Сауда-саттық ақпарат
Іскерлік белсенділік индексі
- ҚР Ұлттық Банкі
- PMI индексінің есептемесі
ІБИ - бұл нақты сектордағы экономиканың жағдайын сипаттайтын көрсеткіш, экономикалық тенденциялардың динамикасын, бизнес циклінің маңызды және бетбұрыс нүктелерін зерттеуге мүмкіндік береді. ІБИ Қазақстан Ұлттық Банкі жүргізетін кәсіпорындардың ай сайынғы сауалнамасының нәтижелері бойынша дайындалады және кәсіпорындардың экономикалық көрсеткіштерінің нақты өзгерістеріне және олардың болашақта өзгеруіне қатысты күтулеріне қатысты сұрақтарға кәсіпорындардың жауаптарының жиынтығын қамтиды. Деректер қатары маусымдық факторды жоюмен ұсынылған. Толығырақ: https://nationalbank.kz/kz/page/indeks-delovoy-aktivnosti-po-kazahstanu-ida
ҚРҰБ ақша-кредит саясаты департаментінің директоры Рүстем Оразалиннің түсіндірмесі
2024 жылғы қыркүйекте іскерлік белсенділік баяулап келе жатқанын көрсетті, алайда, көрсеткіш 50,9 құрап, тоғыз ай қатарынан оң аймақта қалды.
Қазанда қызмет көрсету секторында іскерлік белсенділіктің 50,6-ға дейін баяулауы (қыркүйектегі 51,4 - тен) индекстің динамикасына әсер етті. Басқа барлық секторда динамиканың жақсарғаны байқалды: өндірісте индекс - 52,8-ге (қыркүйектегі 52,3-тен), құрылыста – 52,0- ге (қыркүйекте - 50,4) дейін, тау-кен өнеркәсібінде де іскерлік белсенділік индексі теріс аймақта қалса да, көрсеткіш 49,4 - ке дейін көтерілді (қыркүйекте - 48,9).2024 жылғы қазанда бизнес-ахуал индексі (БАИ) біршама төмендеді. Бизнес жүргізудің қазіргі және болашақ шарттарын бағалау динамикасы нашарлағанымен, бағалар оң аймақта қалды. Бизнес-цикл «сағатының» индикаторы өсу аймағында тұр.
Кәсіпорындардың бағалауы бойынша, олардың өнімдеріне/көрсетілетін қызметтеріне деген сұраныстың өсу қарқыны әлі де баяу, әсіресе, сауда саласында. Респонденттер инфрақұрылымға қолжетімділікті оң бағалады, алайда, қалған факторлар бойынша (бизнесті қорғау мәселелері, салық жүктемесі және қаржыға/кредитке қолжетімділік) теріс баға басым.
Толығырақ: nationalbank.kz/kz/page/indeks-delovoy-aktivnosti-po-kazahstanu-ida