KASE Биржа мүшелерін, листинг компанияларын және БАҚ өкілдерін марапаттау рәсімін өткізді

2025 жылғы 14 ақпанда KASE ең үздік нәтиже көрсеткен Биржа мүшелерін, ашықтыққа ұмтылғаны үшін листинг компанияларын, сондай-ақ қор нарығы туралы ақпаратты белсенді түрде жариялағаны үшін БАҚ өкілдерін жыл марапаттау рәсімін өткізді. Марапаттау маңызды оқиға - Қазақстан қор биржасының (KASE) Tabadul цифрлық биржалық хабына қосылуына орай ұйымдастырылған KASE: Joining Tabadul Hub халықаралық конференциясы аясында өтті.

Аталған рәсімнің мақсаты - Қазақстан Республикасының қор нарығын дамытуға үлес қосқан нарық қатысушыларының кәсіби еңбегін атап өту.

Марапаттау мынадай негізгі номинациялар бойынша жүргізілді:

* Жылдың үздік андеррайтері;
* Нарық көшбасшысы;
* Үздік маркет-мейкер;
* Үздік қаржы консультанты;
* Инвестор тартуға қосқан үлесі үшін;
* ESG-облигациялар нарығының көшбасшысы;
* Ашықтыққа ұмтылғаны үшін;
* 2023 жылдың үздік жылдық есебі және басқа.

🔸Сондай-ақ бірнеше номинация бойынша БАҚ өкілдері марапатталды:

* Қаржылық сауаттылықты арттырғаны үшін;
* Қор нарығы туралы кәсіби деңгейдегі мақалалары үшін;
* Қор нарығы туралы креативті мақалалары үшін;
* Қор нарығы туралы ең өзекті материалы үшін;
* Қор нарығы туралы мемлекеттік тілдегі мақалалары үшін.

Жеңімпаздардың толық тізімімен KASE ресми сайтында танысуға болады