/KASE, 16.10.24/ – Қазақстан қор биржасы (KASE) 2023 жылдың
қорытындысы бойынша жылдық есептер конкурсын өткізу туралы
хабарлайды.
Конкурс 2024 жылдың 16 қазанынан 31 желтоқсанына дейін өткізіледі және
Қазақстанда қаржылық емес есеп берушілікті дайындау практикасын
дамытуға бағытталған.
Конкурсқа Қазақстан Республикасының заңнамасына сәйкес тіркелген кез
келген заңды тұлғалар қатыса алады. Конкурс шеңберінде конкурсқа
жіберілген заңды тұлғалардың 2023 жылға арналған жылдық есептері мен
орнықты дамуы туралы есептеріне бағалау жүргізілетін болады.
Байқау жеңімпаздары мен жүлдегерлері дипломдармен және
сертификаттармен марапатталады.
Конкурсқа қатысуға рұқсаттама алу үшін заңды тұлғалар 2024 жылдың
15 қарашасынан кешіктірмей мынадай құжаттарды ұсынуы тиіс:
1) нысан бойынша конкурсқа қатысуға өтінім –
https://kase.kz/files/mix/application_2023.doc
2) 2023 жылға жылдық есеп орыс тілінде, сондай-ақ бар болса ағылшын
және қазақ тілдерінде;
3) бар болса, 2023 жылға тұрақты даму туралы есеп орыс тілінде, сондай-
ақ бар болса ағылшын және қазақ тілдерінде.
Конкурсқа қатысуға өтінім өтінімнің қол қойылған электрондық нұсқасын PDF
форматында және DOC форматында monitoring@kase.kz электрондық
поштаға жіберу арқылы ұсынылады.
Егер конкурсқа қатысуға берілген өтінімде қандай да бір себептермен
2023 жылға жылдық есепке/орнықты даму туралы есепке интернет-
сілтемелер ұсынылмаса немесе олар белсенді емес болып табылса,
мұндай есептер электрондық түрде pdf форматында monitoring@kase.kz
электрондық поштаға жіберіледі немесе KASE орналасқан жері бойынша
электрондық тасығышта ұсынылады.
Конкурсты өткізу кезеңдері:
- конкурсқа өтінімдерді қабылдау;
- сараптамалық комиссияның материалдарды бағалауы;
- сараптамалық комиссияның конкурс жеңімпаздарын айқындауы;
- байқау жеңімпаздарын марапаттау.
Негізгі номинациялар:
1) Қаржы секторындағы ең үздік жылдық есеп;
2) Қаржылық емес сектордағы ең үздік жылдық есеп;
3) Қаржы секторындағы ең үздік Тұрақтылық даму туралы есеп;
4) Қаржылық емес сектордағы ең үздік Тұрақтылық даму туралы есеп.
KASE жекелеген қатысушылардың жетістіктерін ынталандыру мақсатында
конкурс барысында конкурсқа қосымша номинацияларды жариялауға құқылы.
Конкурсқа қатысушы, бұл конкурсқа қатысушының дұрыс емес мәліметтерді
ұсыну фактісі, сондай-ақ конкурс өткізу кезеңінде оның тарапынан әдепті
емес мінез-құлық анықталған жағдайда конкурс өткізудің кез келген
кезеңінде конкурсқа қатысудан шеттетілуі мүмкін.
Конкурсты өткізу шарттарымен мына сілтеме бойынша танысуға болады
https://kase.kz/files/mix/KASE_annual_reports_competition_rules.pdf
[2024-10-16]