/KASE, 28.08.24/ – Қазақстан қор биржасының (KASE) Индекстер мен
индикаторлары жөніндегі комитеті Қор нарығының индекстері мен
индикаторларын есептеу әдістемесіне (әдістеме) сәйкес 2024 жылдың
01 қыркүйегінен бастап KASE_BM* сериясының индикаторларын есептеу
үшін өкілдік тізімге мынадай облигацияларды қосу туралы шешім
қабылдады:
1) "Бәйтерек" ҰБХ" АҚ KZ2C00011211 (BTRKb11);
2) "Бәйтерек" ҰБХ" АҚ KZ2C00011229 (BTRKb12);
3) "Бәйтерек" ҰБХ" АҚ KZ2C00011237 (BTRKb13);
4) "Отбасы банкі" тұрғын үй құрылыс жинақ банкі" АҚ
KZ2C00011658 (JSBNb2);
5) "Отбасы банкі" тұрғын үй құрылыс жинақ банкі" АҚ
KZ2C00011740(JSBNb3).
Аталған облигациялар Әдістеменің барлық талаптарына сәйкес келеді.
Әдістемеге сәйкес үш айда бір рет KASE қор нарығының индикаторларын
есептеу үшін өкілдік тізімдерді қайта қарайды:
1) негізгі алаңның (KASE_BM* сериясы) – KASE_BMC таза баға индексі
және KASE_BMY кірістілік индикаторы;
2) баламалы алаңның (KASE_BA* сериясы) – KASE_BAC таза баға
индексі және KASE_BAY кірістілік индикаторы.
2024 жылғы 01 қыркүйектен бастап KASE_BM* сериясы индикаторларының
өкілдік тізімі 56 атаудағы облигациялардан тұратын болады.
KASE_BA* сериялы индикаторлар тізіміне қосу үшін баламалы алаңның
облигациялары жоқ.
Естеріңізге сала кетейік, KASE_BA* сериясының индикаторларын есептеу
аталған индикаторларды есептеу үшін өкілдік іріктеменің болмауына
байланысты 2018 жылдың 26 қаңтарынан бастап тоқтатылды, өйткені
Әдістемеге сәйкес корпоративтік облигациялардың жалпы саны кемінде
төрт болуы тиіс.
Көрсетілген тізімдерді KASE интернет-сайтында сілтеме бойынша көруге
болады
http://kase.kz/ru/stock_market/kase_bonds/KASE_BMC/
Әдістеменің мәтіні KASE интернет-сайтында мына сілтеме бойынша
қолжетімді
http://kase.kz/files/normative_base/indicators_met.pdf
[2024-08-28]